بما ان اليومين دول فتره امتحانات والواحد زهقان من المزاكره فقلت استهبل شويه
انا حتكلم عن الحاجات الى بضايقنى ومش عارفه اتغلب عليها علشان ازاكر بما ان معتش فى وقت
من الحاجات دى
انى اكون بزاكر فى امان الله وبعدين اسرح فى اى حاجه واقعد مده طويله وحاجه تجيب حاجه وانسى انى بزاكر اساسا وفجأه افتكر انى ماسكه الورق فى ايدى وبزاكر بجد بتضايقنى اوى حكايه السرحان دى ومش لاقيه لها حل خالص حاسه انها عندى انا بس
وكمان لما اقوم واسيب المزاكره واقوم اعمل اى حاجه والاقى التلفزيون شغال ياسلام بقه لو حاجه شيقه
اسيب المزاكره واقعد اتفرج
وبعد ما اتفرج احس بالذنب جداااااااا انى ضيعت وقت على الفاضى
دول اكتر حاجتين نفسى اتخلص منهم وانا بزاكر
وكمان الكمبيوتر ياسلام بقى كل شويه فاتحه الميل على الفاضى من غير ما اكلم حد أهو بستهبل وخلاص
برده من الحاجات الى بتضيع الوقت
ربنا يستر ايام الامتحانات ويعديها على خير
ويارب اقدر اتغلب على السرحان الى بيجي لى وانا بزاكر ده
11 comments:
هدى اختى بما انى قاعده جامبك وبكتب
ربنا يوفقك ويوفقنى يارب
بما انى عليه امتحانات ذيك
يارب يعدى امتحان بكره على خير
والله يابنتى اى حاجة بتضيع الوقت تلاقيها بتتعمل وقت الامتحانات حاااااااجة غريبة فعلا
بس معلش حاولى تركزى وتفكرى اكتر فى المذاكرةاكتر ما تفكرى فى اى حاجة تانية ممكن تضيع وقتك وخلاص ع الفاضى
وتشغلك برضو كده ع الفاضى عشان متحسيش بالذنب
ربنا معانا يااارب كلنا ويوفقنا ويعديها على خيير يااارب
سلااام ياجميل :)
لأ مش عاوزاكي تقلقي خاالص
أنا على طول بأسرح وأفضل مدة عما أفتكر أني بأذاكر
عدم التركيز دي مشكلة كبيرة
لو لاقيتي حل أبقي قوليلي تاخدي فيا ثواب :)
ربنا معانا كلنا ياااا رب
سلاااام
كله من الحشرات المنتشره اليومين دول
دا فيرس منتشر ومعدى
كل ما تضع وقت اكتر كل ما فرصت ف الهبل تكتر :D
انا لسه شايفه فرح ع التليفزيون وفليم الشموع السواداء ولا كأن عندى ايمدج خالص
:*
"marmora"
"يارب يعدى امتحان بكره على خير"
شوفتى اديكى حليتى حلو اهه
ربنا يوفقك ياحبيبتى فى باقى
الامتحانات
"roody"
"
بس معلش حاولى تركزى وتفكرى اكتر فى المذاكرةاكتر ما تفكرى فى اى حاجة تانية ممكن تضيع وقتك وخلاص ع الفاضى"
ححاول يارودى بس مش بقدر
ربنا يسهل
مرسيى ليكى يارودى
"my fate"
"لأ مش عاوزاكي تقلقي خاالص
أنا على طول بأسرح وأفضل مدة عما أفتكر أني بأذاكر
"
بجد يعنى فى حد كده زيه
لو اتلاقيت حل من عنيه بس معتقدش انه له حل
ربنا يوفقك ومرسيه ليكى ياقمر
"habhoba"
"كله من الحشرات المنتشره اليومين دول
دا فيرس منتشر ومعدى
كل ما تضع وقت اكتر كل ما فرصت ف الهبل تكتر "
ماشى ياهبه
بس انتى قصدك كل ما فرصت تقل فى النجاح ولا ايه
"
انا لسه شايفه فرح ع التليفزيون وفليم الشموع السواداء ولا كأن عندى ايمدج خالص
"
ياااااااااااااااه ياهبه انا بموت فى الفيلم ده جداااااااااا
بالنسبه بقه للايمدج فانا لسه حقوم افتحها اهه ربنا معانا فيها بقه
والله يا هدى هاتلاقى معظمنا كدا :D
ربنا يعدى فتره الامتحانات على خير وننجح يارب كلنا
"dina"
"
ربنا يعدى فتره الامتحانات على خير وننجح يارب كلنا
"
يار ب يادينا ومرسيه لمرورك ياقمر
ربنا يعديها على خير ياااااااااارب
ماتقلقيش دى حالة بتنتشر فى مثل هذا الوقت المعفن كل عام .. عدم التركيز +حب التلفزيون +النوووم بغباء +حب الاكل الزائد او كراهية الاكل لدرجة انك ممكن ماتكليش كام يوم ورا بعض وعاادى وهلما جرجر ....
خلاصة : ربنا يستر ..
يارب
وربنا يوفقك يااااااااااااارب
//
ربنا يعديها على خير ياااااااااارب
ماتقلقيش دى حالة بتنتشر فى مثل هذا الوقت المعفن كل عام .. عدم التركيز +حب التلفزيون +النوووم بغباء +حب الاكل الزائد او كراهية الاكل لدرجة انك ممكن ماتكليش كام يوم ورا بعض وعاادى وهلما جرجر ....
//
فعلا ياميمى كلامك سليم جدا
مرسيه لمرورك ياميمى
//
يارب
وربنا يوفقك يااااااااااااارب
//
ياااارب
مرسيه لحضرتك
وشكراا لمرورك واهلا بيك فى البلوج
Post a Comment